मुंबई क्राईम ब्रँच युनिटने मुलांची विक्री करणाऱ्या आंतरराज्य टोळीचा पर्दाफाश केला आहे. ही टोळी महाराष्ट्राव्यतिरिक्त तेलंगणा, आंध्र प्रदेश आणि इतर शहरांमध्ये मुलांची विक्री करत असे. याप्रकरणी गुन्हे शाखा युनिट 2 ने आतापर्यंत 7 जणांना अटक केली आहे. तसेच विकलेल्या दोन मुलांची सुटका केली.
क्राइम ब्रँचचे डीसीपी रागसुधा आर यांनी दिलेल्या माहितीनुसार, विक्रोळी येथील कांता पेडणेकर नावाच्या महिलेने तिचे पाच महिन्यांचे मूल शीतल वारे नावाच्या महिलेला विकल्याची माहिती त्यांना मिळाली होती. क्राइम ब्रँचच्या पथकाने शीतल वारेला शोधून तिची चौकशी केली असता शीतलने एक नाही तर 5 मुलांना विकल्याचे समोर आले. तर कांता पेडणेकर यांचे मूल एका डॉक्टरला विकण्यात आले आहे.
8 महिने ते 2 वर्षे वयोगटातील मुलांची तस्करी होत होती. माहिती मिळताच गुन्हे शाखेने संजय सोपान राव असे या डॉक्टरला अटक केली. त्याच्याकडे चौकशी केली असता त्याने हे मूल दुसऱ्या व्यक्तीला दोन लाख रुपयांना विकल्याचे निष्पन्न झाले. याप्रकरणी गुन्हे शाखेच्या पथकाने अधिक तपास केला असता या टोळीने आतापर्यंत एकूण 14 मुलांची विक्री केल्याचे निष्पन्न झाले. विकल्या गेलेल्या मुलांचे वय सुमारे 8 महिने ते 2 वर्षांपर्यंत आहे.
