ट्रकच्या अपघातामुळे सापडले 810 किलो सोन्याचे दागिने या दागिनेची किंमत सुमारे 666 कोटी रुपये इतकी सांगितली जात आहे.
तामिळनाडूमध्ये सिथोद्दूजवळ एका खासगी लॉजिस्टिक कंपनीच्या ट्रकला अपघात झाला. पुढे जाणाऱ्या वाहनाला जोडलेली ताडपत्री उडून ट्रकच्या विंड शील्डवर पडल्याचे सांगण्यात येत आहे. त्यामुळे चालकाचा ट्रकवरील ताबा सुटल्याने ट्रकचा अपघात झाला. या ट्रकमध्ये 810 किलो सोन्याचे दागिने भरले होते.
या दागिन्यांची किंमत सुमारे 666 कोटी रुपये असल्याचे सांगण्यात येत आहे. त्यांना कोइम्बतूरहून सालेमला ट्रकमध्ये नेले जात होते. त्यामुळे या मौल्यवान ट्रकचा अपघात झाल्याची माहिती मिळताच पोलीस पथक घटनास्थळी दाखल झाले.
सोन्याचे दागिने दुसऱ्या ट्रकमध्ये भरले
यानंतर उच्च सुरक्षा असलेला दुसरा ट्रक घटनास्थळी पाठवण्यात आला. कडेकोट बंदोबस्तात ट्रकमध्ये ठेवलेले सोन्याचे दागिने पोलिस अधिकाऱ्यांसमोर बाहेर काढून दुसऱ्या ट्रकमध्ये भरण्यात आले. यानंतर दागिने सालेम येथील त्यांच्या इच्छित स्थळी पाठवण्यात आले.
या घटनेचा एक व्हिडिओ देखील समोर आला आहे, ज्यामध्ये उच्च सुरक्षा ट्रकमधून सोन्याच्या दागिन्यांनी भरलेला बॉक्स कसा रिकामा केला जात आहे हे दिसत आहे. यावेळी पोलीस पूर्ण सतर्कतेने तेथे उपस्थित होते.
