ओम बिर्ला आणि के. सुरेश दोघांनी, लोकसभा सभापती पदासाठी केला अर्ज दाखल.
भारतीय जनता पक्षाचे खासदार ओम बिर्ला यांनी 18 व्या लोकसभेच्या अध्यक्षपदासाठी अर्ज दाखल केला आहे. एनडीएने ओम बिर्ला यांना लोकसभा अध्यक्षपदाचे उमेदवार केले आहे. लोकसभा अध्यक्षपदासाठी काँग्रेस खासदार के सुरेश यांना इंडिया ब्लॉकमधून उमेदवारी देण्यात आली आहे.
देशातील 18व्या लोकसभेत एनडीएकडून ओम बिर्ला यांना लोकसभा अध्यक्षपदाचे उमेदवार बनवण्यात आले आहे. सरकारच्या मित्रपक्षांनी भाजप नेत्याच्या नावाने पाठिंबा दर्शवला आहे. 18व्या लोकसभेच्या पहिल्या संसदेच्या अधिवेशनाचा आज दुसरा दिवस आहे. पहिल्या दिवशी म्हणजे सोमवारी लोकसभेत 280 खासदारांनी शपथ घेतली. आज दुसऱ्या दिवशी उर्वरित 264 खासदार लोकसभेच्या सदस्य म्हणून शपथ घेत आहेत. आज एनडीएने ओम बिर्ला यांना लोकसभा अध्यक्षपदाचे उमेदवार बनवले आहे. विरोधकांकडून काँग्रेस नेते के. सुरेश यांनी लोकसभा अध्यक्षपदासाठी उमेदवारी अर्ज दाखल केला आहे. लोकसभा अध्यक्षपदाची निवडणूक बुधवारी होणार आहे.
