पंतप्रधान ऋषी सुनक यांनी ब्रिटनमध्ये सार्वत्रिक निवडणुकांची घोषणा केली, 4 जुलै ला होणार मतदान.
ब्रिटनचे पंतप्रधान ऋषी सुनक यांनी सार्वत्रिक निवडणुकांची तारीख जाहीर केली आहे. आजच्या मंत्रिमंडळ बैठकीत त्यांनी संसद बरखास्त करून निवडणुका जाहीर करण्याची शिफारस केली.
ब्रिटनमध्ये निवडणुका जाहीर झाल्या आहेत. ब्रिटनमध्ये 4 जुलै रोजी संसदीय निवडणुकीसाठी मतदान होणार आहे. बुधवारी झालेल्या मंत्रिमंडळाच्या बैठकीनंतर पंतप्रधान ऋषी सुनक यांनी सार्वत्रिक निवडणुकांच्या तारखा जाहीर केल्या. मात्र, मंत्रिमंडळ बैठकीपूर्वी लवकरच सार्वत्रिक निवडणुका घेण्याबाबत बैठकीत एकमत होऊ शकते, अशी जोरदार चर्चा होती. हा अंदाज खरा ठरला असून ऋषी सुनक यांनी संसद बरखास्त करण्याची शिफारस केली आहे. देशात 4 जुलै रोजी संसदीय निवडणुकीसाठी मतदान होणार आहे.
मिळालेल्या माहितीनुसार, या निर्णयाबाबत ऋषी सुनक लवकरच राजा चार्ल्स यांना भेटायला जाऊ शकतात. मात्र, निवडणूकपूर्व अंदाजानुसार सध्या विरोधी मजूर पक्ष मजबूत स्थितीत असून कंझर्व्हेटिव्ह पक्षाची स्थिती वाईट असल्याचे बोलले जात आहे.
