हायकोर्टाने केजरीवाल यांच्या जामिनावर दिली स्थगिती, कनिष्ठ कोर्टातून काल मिळाला होता जामीन.
केजरीवाल यांच्या जामिनावर सुटण्याच्या आदेशाला ईडीने दिल्ली उच्च न्यायालयात आव्हान दिले आहे. ईडीने आपल्या एसएलपीमध्ये म्हटले आहे की, तपासाच्या महत्त्वाच्या टप्प्यावर केजरीवाल यांना सोडल्यास तपासावर परिणाम होईल कारण केजरीवाल हे मुख्यमंत्र्यासारखे महत्त्वाचे पद भूषवत आहेत.
दारू घोटाळा या प्रकरणी उच्च न्यायालयाने दिल्लीचे मुख्यमंत्री अरविंद केजरीवाल यांना कनिष्ठ न्यायालयातून दिलेल्या जामीनाला स्थगिती दिली आहे. उच्च न्यायालयाने या प्रकरणाची सुनावणी होईपर्यंत जामिनावर स्थगिती दिली आहे.
यावर केजरीवाल यांचे वकील अभिषेक मनू सिंघवी यांचा युक्तिवाद उच्च न्यायालयाने फेटाळला असून, या याचिकेवर लवकर सुनावणी घेण्याची गरज नसल्याचे म्हटले होते. दरम्यान, न्यायमूर्ती सुधीर जैन म्हणाले की, जोपर्यंत उच्च न्यायालयात सुनावणी प्रलंबित आहे, तोपर्यंत कनिष्ठ न्यायालयाचा आदेश प्रभावी ठरणार नाही.
