हिजबुत-तहरीरशी संबंधित दोन आरोपींना (एनआयए) ने अटक केली.
राष्ट्रीय तपास संस्थेने (एनआयए) रविवारी तामिळनाडूमध्ये तरुणांना कट्टरपंथी बनवण्याच्या आरोपाखाली दोन जणांना अटक केली. दोन्ही आरोपी आंतरराष्ट्रीय इस्लामिक संघटना हिजबुत-तहरीरशी संबंधित आहेत. एनआयएने जारी केलेल्या निवेदनात म्हटले आहे की, तंजावर जिल्ह्यातील अब्दुल रहमान आणि मुजीबुर रहमान उर्फ मुजीबुर रहमान अल्थम साहिब अशी अटक केलेल्यांची नावे आहेत.
त्यात म्हटले आहे की, दक्षिणेकडील राज्यातील पाच जिल्ह्यांतील 10 ठिकाणी व्यापक शोध घेतल्यानंतर अटक करण्यात आलेले दोन आरोपी हे आंतरराष्ट्रीय इस्लामिक आणि कट्टरतावादी संघटना हिजबुत-तहरीरचे सदस्य आहेत. एनआयएने म्हटले आहे की संघटना इस्लामिक खिलाफत पुनर्स्थापित करण्यासाठी आणि तिचे संस्थापक तकी अल-दिन अल-नभानी यांनी लिहिलेल्या संविधानाची अंमलबजावणी करण्यासाठी काम करत आहे.
निवेदनात म्हटले आहे की, “एनआयएच्या तपासात असे दिसून आले आहे की ते तरुणांना कट्टरपंथी विचारसरणीकडे नेण्यासाठी, लोकशाही आणि भारतीय संविधान, कायदा आणि न्यायव्यवस्था इत्यादींचा इस्लामविरोधी आहे असा प्रचार करण्यासाठी गुप्त वर्ग आयोजित करण्यात गुंतले होते.”
एनआयएने सांगितले की प्रशिक्षणार्थींना असे शिकवले गेले की भारत आता ‘दारुल कुफ्र’ (जे इस्लामला मानत नाहीत त्यांची भूमी) आहे आणि हिंसक जिहाद करून आणि इस्लामिक राज्य स्थापन करून त्याचे ‘दारुल इस्लाम’मध्ये रूपांतर करणे हे त्यांचे कर्तव्य आहे. इस्लाम साठी कुर्बानी देण्याची वेळ आलेली आहे
